မြန်မာနိုင်ငံအမျိုးသားပြန်လည်သင့်မြတ်ရေးတွင် ကြားဝင်ဆောင်ရွက်ပေးရန် တရုတ်ဆန္ဒရှိ

နိုင်ငံတော်သမ္မတဦးထင်ကျော်နှင့် တရုတ်နိုင်ငံခြားရေးဝန်ကြီး ၀မ်ယီတို့ လက်ဆွဲနှုတ်ဆက်နေစဉ် (ဓာတ်ပုံ - ပိုင်စိုးသူ)
တရုတ်အစိုးရအနေဖြင့် မြန်မာနိုင်ငံ၏ အမျိုးသားပြန်လည်သင့်မြတ်ရေးတွင် ကြားဝင် ဆောင်ရွက်ရေး၊ နှစ်နိုင်ငံနယ်စပ် တည်ငြိမ်ရေးနှင့် ထိရောက်သည့် စီမံခန့်ခွဲမှု ရှိရေး အစရှိသည်တို့ ကို တရုတ်နိုင်ငံခြားရေးဝန်ကြီး ၀မ်ယီက မြန်မာသမ္မတ၊ တပ်ချုပ် တို့နှင့်တွေ့ဆုံရာ၌ ဆွေးနွေးခဲ့ သည်။

ဧပြီ ၆ ရက်က သမ္မတဦး ထင်ကျော်နှင့် တွေ့ဆုံစဉ် မစ္စတာ ၀မ်ယီက တရုတ်နိုင်ငံသည်မြန်မာ နိုင်ငံ၏ အချုပ်အခြာအာဏာ တည်တံ့ခိုင်မြဲရေးကို အလေးထား ပြီး အမျိုးသားပြန်လည်သင့်မြတ် ရေးတွင် ကြားဝင်ဆောင်ရွက်ပေး ရန် ဆန္ဒရှိကြောင်း ပြောကြားခဲ့ သည်။ ယင်းနှင့်ပတ်သက်၍ သမ္မ တ ဦးထင်ကျော်၏ တိုက်ရိုက်ပြန် လည် ဖြေကြားမှုကို မသိရသော် လည်း သမ္မတ၏ ပြောကြားချက် များတွင် နိုင်ငံသားများအတွက် အမှန်တကယ် အကျိုးဖြစ်ထွန်းစေ မည့် ကိစ္စရပ်များ၌ နှစ်နိုင်ငံညှိနှိုင်း ၍ အကောင်အထည်ဖော်ဆောင် ရွက်ရန် ဆန္ဒရှိကြောင်းပါဝင်သည်။

တစ်ရက်တည်းအတွင်း တရုတ်နိုင်ငံခြားရေးဝန်ကြီးသည် တပ်ချုပ်ဗိုလ်ချုပ်မှူးကြီး မင်း အောင်လှိုင်နှင့်တွေ့ဆုံခဲ့သည်။ နှစ်နိုင်ငံ တပ်မတော်နှစ်ရပ်အ ကြား ဆက်ဆံရေး၊ နှစ်နိုင်ငံ ပူး ပေါင်းဆောင်ရွက်ရေး၊ နှစ်နိုင်ငံ နယ်စပ်ဒေသ တည်ငြိမ်အေးချမ်း ရေးနှင့် ထိရောက်သည့် စီမံခန့်ခွဲ မှုရှိရေးတို့ကို ဆွေးနွေးခဲ့သည်ဟု တပ်မတော်ကာကွယ်ရေးဦးစီး ချုပ်ရုံးက သတင်းထုတ်ပြန်ထား သည်။

ပြီးခဲ့သည့်နှစ်က ကိုးကန့် လက်နက်ကိုင်အဖွဲ့နှင့် အစိုးရ တပ်မတော်တို့အကြား တိုက်ပွဲများ ဖြစ်ပွားစဉ် တရုတ်နိုင်ငံ နယ်နိ မိတ်အတွင်း လက်နက်ကြီးကျည် များ နယ်ကျော်ကျခဲ့ပြီး နှစ်နိုင်ငံ သံတမန်ဆက်ဆံရေး တင်းမာမှု ရှိခဲ့သည်။

ဧပြီ ၆ ရက်တွင် ထုတ်လွှင့် ခဲ့သော ဗီအိုအေသတင်းဌာနနှင့် အမေရိကန်ခြေစိုက် Stimson သုတေသနဌာနတရုတ်နိုင်ငံခြား ရေးရာ ဆက်ဆံရေးသုတေသီ ယန်ဆန်းတို့၏ ဆွေးနွေးသုံးသပ် ချက်အရ မြန်မာနိုင်ငံကို ထိန်းညှိ ရာတွင် နယ်စပ်တိုင်းရင်းသားအင်အားစုများသည် ထိရောက်သည့် ကိရိယာများဖြစ်သည်ဟု တရုတ်နိုင်ငံသားအချို့က ယုံကြည်ထားကြောင်း တွေ့ရသည်။ နှစ်နိုင်ငံ နယ်စပ်ရှိ တိုင်းရင်းသားလက်နက် ကိုင်အဖွဲ့များနှင့် တရုတ်နိုင်ငံ သည် ပုဂ္ဂိုလ်ရေးအရ ရင်းနှီးသည့် ဆက်ဆံမှု၊ စီးပွားရေး ဆက်နွှယ် မှု၊ နိုင်ငံရေးအရ ဆွေးနွေးဆက်ဆံ မှုများရှိနေသည်ဟု မစ္စယန်ဆန်း က ထောက်ပြသည်။ ထို့အပြင် မြန်မာအစိုးရက ပူးပေါင်းဆောင် ရွက်မှုမလိုလားဘူးဆိုလျှင်မြန်မာ နှင့်ဆက်ဆံရေး အလျှော့အတင်း လုပ်နိုင်ရန် ထိုအဖွဲ့များကို ကိုင် ထားမည်ဆိုသော အသံများ တရုတ်နိုင်ငံဘက်က ကြားရသည် ဟု တရုတ်နိုင်ငံခြားရေးရာ ဆက် ဆံရေးသုတေသီက ပြောကြား သည်။

၂၀၁၅ နိုဝင်ဘာကတရုတ်- မြန်မာနယ်စပ်ရှိ ‘၀’ လက်နက် ကိုင်အဖွဲ့ (UWSA) ဌာနချုပ် ပန် ဆန်းတွင် NCA မရေးထိုးထားသည့် တိုင်းရင်းသားလက်နက်ကိုင်အဖွဲ့ များ၏ ခေါင်းဆောင်များ ထိပ်သီး ညီလာခံ ပြုလုပ်ခဲ့ပြီး ‘‘မြန်မာနိုင်ငံ မြောက်ပိုင်းနှင့် အရှေ့မြောက်ပိုင်း ၌ ဖြစ်ပွားနေသည့် စစ်ရေးပဋိပက္ခ ကို ဖြေရှင်းနိုင်ရန်နိုင်ငံတော်အစိုးရ၊ တပ်မတော်၊ သက်ဆိုင်ရာလက် နက်ကိုင် တိုင်းရင်းသားကိုယ်စား လှယ်များနှင့်တကွ တရုတ်ပြည် အစိုးရ၊ တရုတ်ပြည်စစ်ဘက်တာ ၀န်ခံများက တွေ့ဆုံဆွေးနွေးညှိ နှိုင်းရေး ကိုယ်စားလှယ်အဖွဲ့ ဖွဲ့ စည်းပြီး ယင်းဖြစ်ပွားနေသည့် ပြဿနာများကို ညှိနှိုင်းဖြေရှင်း ကာ တရုတ်-မြန်မာနယ်စပ်တစ် လျှောက်တွင် ငြိမ်းချမ်းရေးနှင့်တည် ငြိမ်ရေး ပြန်လည်ရရှိစေရန်အမြန် ဆုံး ဖော်ဆောင်သင့်ကြောင်း တိုက်တွန်းအပ်ပါသည်’’ ဟု ညီ လာခံအပြီးတွင် ထုတ်ပြန်ကြေ ညာခဲ့သည်။

၂၀၁၆ မတ်လဆန်းတွင် မြန်မာနိုင်ငံဆိုင်ရာ တရုတ်သံအ မတ်ကြီး ဟုန်လျန်က သတင်း ထောက်များနှင့် တွေ့ဆုံစဉ် တရုတ်အနေဖြင့် မြန်မာနိုင်ငံ မြောက်ပိုင်းဒေသရှိ တိုင်းရင်းသား လက်နက်ကိုင်အဖွဲ့များ NCA လက်မှတ်ရေးထိုးရန် တိုက်တွန်း နေပြီး ဒီချုပ်အစိုးရသစ်လက် ထက်တွင် ငြိမ်းချမ်းရေးဆွေးနွေးမှု အောင်မြင်ရန် ကူညီမည်ဟုပြော ကြားခဲ့သည်။ တရုတ်နိုင်ငံ အထူး သံတမန် မစ္စတာဆန်ဝေ့ရှန်သည် တပ်မတော်၊ ‘၀’ အထူးဒေသအပါ အ၀င် တိုင်းရင်းသားလက်နက် ကိုင်အဖွဲ့များနှင့် နီးနီးကပ်ကပ် ဆွေးနွေးဆက်ဆံမှုရှိသည်ဟု သံ အမတ်ကြီးက ဖြေကြားခဲ့သည်။

ငြိမ်းငြိမ်းပြည့် - 7day
Previous
Next Post »
Powered by Blogger.