ထိုင်းကျားဘုန်းကြီးက သားသတ်ရုံအဖြစ် အသုံးပြုသည့် လျှို့ဝှက်နေရာ ရှာဖွေတွေ့ရှိ


စီးနင်းထိန်းသိမ်းခံရသည့် ကျားဘုန်းတော်ကြီးကျောင်းနှင့် ဆက်စပ်နေသည့် သားသတ်ရုံဟု ယူဆရသော လျှို့ဝှက်နေရာ ခြံဝင်းကျယ်ကြီး တစ်ခုကို ထိုင်းရဲတပ်ဖွဲ့က ဖော်ထုတ် တွေ့ရှိခဲ့သည်။

ထိုင်းရဲများနှင့် သားရိုင်းတိရစ္ဆာန် ထိန်းသိမ်းစောင့်ရှောက်ရေး အာဏာပိုင်များက မေလကုန်တွင် ကျားဘုန်းတော်ကြီးကျောင်းကို ပိတ်ဆို့စီးနင်းကာ ကျားကောင်ရေ ၁၄၀ နီးပါးကို ရွှေ့ပြောင်းခဲ့သည်။ ကက်ချနာဘူရီရှိ အဆိုပါ ဘုန်းကြီးကျောင်းသည် ကျားများကို အစာကျွေးခွင့်၊ ဓာတ်ပုံအတူတွဲရိုက်ခွင့်တို့အတွက် ငွေကြေး ကောက်ခံလေ့ရှိပြီး ကမ္ဘာလှည့် ခရီးသည်များကြားတွင် အလွန်နာမည်ကြီးသည့် နေရာတစ်ခု ဖြစ်သည်။

ထိုဘုန်းကြီးကျောင်းသည် တိရစ္ဆာန်မှောင်ခိုဈေးကွက်များနှင့် ဆက်စပ်မှု ရှိနေသည်ဟု အစဉ်တစိုက် စွပ်စွဲမှုများ ထွက်ပေါ်ခဲ့ပြီး စီးနင်းမှုအပြီးတွင် ယင်းသတင်းများ မှန်ကန်ကြောင်း ဖော်ထုတ်လာနိုင်ခဲ့သည်။ ဘုန်းကြီးကျောင်းထဲတွင် ဆေးစိမ်ထားသည့် ကျားပေါက် အသေကောင် ၄၀ နှင့်အတူ အခြား ရှားပါးတိရစ္ဆာန် ရုပ်ကြွင်းများ၊ အစိတ်အပိုင်းများကို ရှာတွေ့သည့်နောက် ဘုန်းတော်ကြီး အချို့ကို ရဲများက ရှားပါးတိရစ္ဆာန် မှောင်ခိုမှုဖြင့် ထိန်းသိမ်းထားပြီ ဖြစ်သည်။

ဇွန် ၇ ရက်တွင်မူ မွိုင်ဒေသ၌ ဘုန်းကြီးကျောင်း၏ သားသတ်ရုံဟု ယူဆရသည့် နေရာတစ်ခုကိုပါ ဖော်ထုတ်နိုင်ခဲ့သည်။ ထိုနေရာတွင် အသက် ၁ နှစ်မှ ၁၀ နှစ်ကြား အရွယ်ရှိသည့် ကျား ၄ ကောင်ကို လှောင်အိမ်များခွဲကာ ထည့်သွင်းထားသည်။ ခြံဝင်းကျယ်ထဲတွင် အဆောက်အအုံအချို့ ဖြန့်ကျက် ဆောက်လုပ်ထားပြီး သားသတ်လုပ်ငန်းတွင် အသုံးပြုသည့် ဓားကြီးများ၊ လှောင်အိမ်အလွတ်များ၊ ကျားစာသေတ္တာများ၊ ကျားများကို သယ်ယူပို့ဆောင်ရာတွင် အသုံးပြုသည်ဟု ယုံကြည်ရသည့် ကိရိယာ တန်ဆာပလာများကိုပါ သိမ်းယူရရှိခဲ့သည်။

ယခုအခါ ရဲတပ်ဖွဲ့သည် ဘုန်းတော်ကြီးကျောင်းတည်ရှိရာ ကက်ချနာဘူရီ ဒေသခံများဖြစ်သည့် ကျားထိန်းသမား နှစ်ဦးကို ခေါ်ယူစစ်ဆေးလျက် ရှိသည်။ ကျားဘုန်းကြီးကျောင်းတွင် ကျားများကို ပြစားနေရုံတင် မကဘဲ အသက် ၁ နှစ်မှ ၂ နှစ်ကြား ကျားများကို သတ်ဖြတ်ကာ ခန္ဓာကိုယ်အစိတ်အပိုင်းများကို မှောင်ခိုဈေးကွက်သို့ တင်ပို့ ရောင်းချနေကြောင်း ရဲမှူးကြီး မွန်ထရီ ပန်ချာရွန်က ပြောကြားခဲ့သည်။ ၎င်းက ဘုန်းကြီးကျောင်း၏ အမှုသည် ထင်သည်ထက် ကျယ်ပြန့်နေပြီး မိမိတို့အနေဖြင့် ကွင်းဆက်များကို ပိုမိုဖော်ထုတ် သိရှိလာနေပြီဟုလည်း ဆိုသည်။

ကျားဘုန်းကြီးကျောင်းကို စီးနင်းစဉ်က ကျားသုံးကောင် စာရင်းပျောက်နေခဲ့ပြီး ယခုသားသတ်ရုံတွင် တွေ့ရသည့် ကျားများတွင် ၎င်းတို့ ပါဝင်နေခြင်း ရှိမရှိ DNA စစ်ဆေးမှု ပြုလုပ်သွားမည်ဟုလည်း မွန်ထရီက အတည်ပြုသွားသည်။

Ref: Bangkok Post
7day
Previous
Next Post »
Powered by Blogger.