အာဏာရှင်၏ အဒေါ်



နယူးယောက်မြို့ တိုင်းမ် စကွဲယားရင်ပြင်က ပြဇာတ် လက်မှတ်ရောင်းနေသူများ၊ ကမ္ဘာလှည့်ခရီးသည်များနှင့်အတူ ဓာတ်ပုံရိုက်ခံရန် ကာတွန်းရုပ်ပုံစံ ဝတ်ထားသူများကို အံ့သြငေးမောကြည့်နေသူ အမျိုးသမီးကို ကြည့်ရသည် မှာ အမေရိကမှ လာရောက်အခြေချနေသည့် ရွှေ့ပြောင်းအခြေချသူ နိုင်ငံခြားသူ တစ်ဦးဖြစ်နိုင်ပါသည်။

အသက် (၆၀)အရွယ် ခပ် ရိုးရိုး ဝတ်ဆင်ထားသော အဆိုပါ ကိုရီးယား အမျိုးသမီးက သူ၏ ခင်ပွန်းသည်နှင့်အတူ အဝတ် အခြောက်လျှော်သည့် လုပ်ငန်း ကို ဖွင့်လှစ်လုပ်ကိုင်သူ တစ်ဦး ဖြစ်သည်။ သို့သော် သူက သာမန် အမျိုးသမီးတစ်ဦး မဟုတ်ပါ။ နယူးယောက်မြို့ကို နျူကလီးယားဗုံးဖြင့် အပြတ်ရှင်းပစ်မည်ဟု ခြိမ်းခြောက်ထားသော မြောက်ကိုရီးယားအာဏာရှင် ကင်ဂျုံအန်၏ အဒေါ်အရင်းဖြစ်သည်။

လွန်ခဲ့သော ၁၈ နှစ်က မြောက်ကိုရီးယားကို ဆန့်ကျင်ပြီး အမေရိကန် စီအိုင်အေအဖွဲ့၏ အကူအညီဖြင့် ကင်ဂျုံအန်၏ အဒေါ်သည် လူမသိသူမသိဘဝ ဖြင့် ခင်ပွန်းသည်၊ ကလေးသုံးဦး နှင့် အမေရိကမှာ အခြေချနေလာ ခဲ့သည်။

‘‘ကျွန်မရဲ့ ဒီကသူငယ်ချင်း တွေ ကျွန်မမှာ အားလုံးပြည့်စုံ တယ်။ ကံကောင်းတယ်လို့ ပြောကြတယ်။ ကလေးတွေက ကျောင်းကောင်းကောင်းတွေမှာ တက်နိုင်တယ်။ အောင်မြင်ကြတယ်။ အရာရာကို ဖြည့်ဆည်းပေးတဲ့ ခင်ပွန်းသည်ရှိတယ်။ တခြားတော့ ဘာမှအားကျစရာ မရှိပါဘူးရှင်’’

မြောက်ကိုရီးယားတွင်တော် ဝင်မိသားစုလို နေထိုင်လာသော သူတို့မိသားစုသည် အမေရိကမှာ သာမန်မိသားစုလို မည်သို့လာ ရောက်နေထိုင်ခဲ့ရသည်ကို သူတို့က ဝါရှင်တန်ပို့စ်သတင်းစာမှ သတင်းထောက် နှစ်ယောက်ကို နာရီ ၂၀ ခန့် ပြောပြခဲ့ကြသည်။ သူတို့၏ ဇာတ်မြှုပ်နေရသည့်ဘဝ ကို ဖော်ထုတ်ပြောကြားရမည်ကို စိုးရိမ်စိတ်ပူပုံရ၏။

သူတို့လင်မယားက အမေရိ ကတွင် သူတို့ သုံးစွဲသည့်နာမည် ကို မဖော်ပြရန်၊ သူတို့ဘယ်မှာ နေထိုင်သည်ဆိုသည်ကို မထုတ်ဖော်ရန် ဝါရှင်တန်ပို့စ်သတင်းစာ ကို တောင်းဆိုသည်။ အဓိကအား ဖြင့် အမေရိကန်နိုင်ငံ၌ သာမန်ဘဝဖြင့် အခြေချနေသော သူတို့သားသမီးများ၏ ဘဝကို ကာကွယ်လို၍ဖြစ်သည်။

ကိုဟုအတိုကောက်ခေါ် သော အဆိုပါမြောက်ကိုရီးယား အမျိုးသမီးကိုယွန်ဆုခ် (Ko YongSuk)သည် မြောက်ကိုရီးယား အာဏာရှင် ကင်ဂျုံအန်၏ ကွယ်လွန်သူမိခင် ကိုယွန်ဟွေ(Ko Yong Hui)၏ ညီမဖြစ်သည်။ သူသည် အစ်မဖြစ်သူနှင့် ရုပ်ချင်းဆင်၏။ သူ့အစ်မကိုယွန်ဟွေသည် မြောက်ကိုရီးယား အာဏာရှင် ကင်ဂျုံအီလ်၏ ဇနီးများထဲက တစ်ဦးဖြစ်သည်။

ကိုသည် သူ့အစ်မ၏သား အငယ် ကင်ဂျုံအန်ငယ်ငယ် ဆွစ် ဇာလန်မှာ ကျောင်းတက်စဉ်က စောင့်ရှောက်ပေးခဲ့ရသူဖြစ်သည်။သို့သော် ၁၉၉၈ ကင်ဂျုံအန် (၁၄)နှစ်အရွယ်။ သူ၏အစ်ကို ကင်ဂျုံချိုလ်(၁၇)နှစ်အရွယ်တွင် ကိုနှင့်သူ့ခင်ပွန်းရီတို့သည် မြောက်ကိုရီးယားအစိုးရကို ဆန့်ကျင်ပြီး ထွက်ပြေးရန် ဆုံးဖြတ်ခဲ့ကြသည်။ ထိုအချိန်တွင် သူ၏ အစ်မကိုယွန်ဟွေက ရင်သားကင်ဆာခံစားနေရပြီး သားတွေ အရွယ်ကြီးလာချိန်မှာ သူတို့အား မြောက်ကိုရီးယား အစိုးရက လိုအပ်တော့မည်မဟုတ်ဟု တွက်ဆကာ ထွက်ပြေးလာခဲ့ကြခြင်းဖြစ်သည်။ သူတို့က အခြား မြောက် ကိုရီးယား လူမျိုးများကဲ့သို့တောင်ကိုရီးယားကို မပြေးဘဲ အ မေရိကသို့ ထွက်ပြေးလာခဲ့ခြင်း ဖြစ်သည်။

ကိုတို့လင်မယားသည် အမေရိကမှာ အဝတ်အခြောက်လျှော်သည့်လုပ်ငန်းကို လုပ်ကိုင်ခဲ့ပြီး သားသမီးများကို ကျောင်းထားခဲ့သည်။ ယခုအခါ သားသမီးများက ကျောင်းပြီး၍ အလုပ်အကိုင် ကောင်းတွေ ရနေကြပြီဖြစ်၏။ အမေရိကန်နိုင်ငံက သူတို့၏အိမ်မှာ နှစ်ထပ်အိမ်ဖြစ်ပြီး အိမ်ရှေ့လမ်းတွင် ကားနှစ်စီး ရပ်ထားသည်ကို တွေ့ရသည်။ ဧည့်ခန်းထဲမှာ တီဗီကြီးရှိသည်။ သူတို့က လာ့စ်ဗီးဂတ်စ်မြို့သို့ အပန်းဖြေခရီးထွက်ပြီး ပြန်လာတာမကြာသေး ပါ။ သူတို့ကို ကြည့်ရသည်မှာ သာမန် မိသားစုလိုပင်။

သို့သော် အိမ်ထဲကဓာတ်ပုံ များကို သေချာကြည့်ပါ။ သူတို့၏ သားအကြီးဆုံး ဂျက်စကီဘုတ်စီး နေသောပုံမှာ ကိုရီးယားအာဏာ ရှင်မိသားစု၏ နွေရာသီအပန်းဖြေ အိမ်ရှိရာ ဝန်ဆန်အရပ်မှာဖြစ်၏။ ဓာတ်ပုံအယ်လ်ဘမ်ထဲက မိန်း ကလေးကကော ဘယ်သူပါလဲ။ ထိုမိန်းကလေးသည် မြောက်ကို ရီးယားခေါင်းဆောင် ကင်ဂျုံအန် ၏ ညီမအငယ်ဆုံး ကင်ယိုဂျွန်ဖြစ် ၏။ လက်ရှိ မြောက်ကိုရီးယား အစိုးရ၏ လုပ်သားပါတီမှာ ဦး ဆောင်နေသူ ဖြစ်သည်။

ယခု သူတို့နေသောအိမ်ကို ချက်ချင်းငွေချေပြီး ဝယ်ထားခြင်း ဖြစ်၏။ အမေရိကန်စီအိုင်အေ က အမေရိကန်နိုင်ငံကို ရောက် ရောက်ချင်း သူတို့ကိုပေးသည့် ဒေါ်လာနှစ်သိန်းဖြင့် ဝယ်ထား သည်ဟု ဆိုသည်။ ကိုနှင့်ရီတို့သည် ကင်ဂျုံအန်ကို မတွေ့ရသည်မှာအနှစ် ၂၀ ခန့်ရှိသော်လည်းအမေရိကန်စီအိုင်အေက သူတို့လင်မယားသည် မြောက်ကိုရီးယား အာဏာရှင်အကြောင်း အသိဆုံးသူများဆိုသည်ကို သဘောပေါက်နားလည်သည်။

သူတို့က ကင်ဂျုံအန်သည် အများထင်သလို ၁၉၈၂ (သို့ မဟုတ်) ၁၉၈၃ တွင် မွေးဖွားခဲ့ သည်မဟုတ်ဘဲ ၁၉၈၄ မှာ မွေး ဖွားခဲ့သည်ဆိုတာကို ဖော်ထုတ် ပေးနိုင်သည်။ အဘယ်ကြောင့်သူတို့အတိအကျ သိနေသလဲ။ ကင်ဂျုံအန်သည် သူတို့၏သားအကြီးဆုံးနှင့် တစ်နှစ်တည်း မွေး သည့် အတွက်ဖြစ်သည်။

‘‘ကျွန်မသားနဲ့ သူနဲ့က မွေးကတည်းက ကစားဖက်ပါ။ ကျွန်မက သူတို့နှစ်ယောက်စလုံးကို အောက်ခံဒိုက်ပါ လဲပေးခဲ့ရတာ’’

တစ်ခါတစ်ရံ စီအိုင်အေ အဖွဲ့က သူတို့ဆီကိုလာပြီး မြောက် ကိုရီးယားလူမျိုးအချို့၏ ပုံများကို ပြသကာ မည်သူမည်ဝါဆိုသည် ကို မေးလေ့ရှိသည်။ စီအိုင်အေ အဖွဲ့ကမူ သည်မြောက်ကိုရီးယား ဇနီးမောင်နှံနှင့်ပတ်သက်၍ ဘာ မှတ်ချက်မှ မပေးပါ။ သူတို့ ဇနီး မောင်နှံ၏ ရာဇဝင်အချို့ကို အ တည်ပြုနိုင်သော်လည်း အချို့အ ပိုင်းများကို အတည်မပြုနိုင်ပါ။

သည်နေ့အထိပင် ခင်ပွန်း ဖြစ်သူရီက မြောက်ကိုရီးယား အစိုးရကို သံယောဇဉ်ရှိနေဆဲဖြစ်ပြီး ပြုံယမ်းကို သွားလည်ရေးထောက်ခံချက်ရရန် ကြိုးစားနေသည်။ စကားပြောသည့်အခါတွင် သူတို့ ဇနီးမောင်နှံသည် တူတော်သူ ကင်ဂျုံအန်အကြောင်း ပြောသည့်အခါ မကောင်းမပြောအောင် သတိထားပြောကြသည်။

၁၉၉၂ မှာ ကိုယွန်ဆုခ် ခေါ်ကိုသည် ဆွစ်ဇာလန်နိုင်ငံ ဘန်းမြို့ကို ရောက်လာခဲ့သည်။ သူသည်တူအကြီးဖြစ်သည့် ကင်ဂျုံချိုလ်အား ကျောင်းထားသည်ကို စောင့်ရှောက်ရန် ရောက်လာခဲ့ခြင်းဖြစ်၏။

တူအငယ်ကင်ဂျုံအန်ကမူ ၁၉၉၆ ကျမှ ဆွစ်ဇာလန်ကို ရောက်လာသည်။ ထိုအချိန်မှာ သူက အသက် (၁၂)နှစ်ပဲရှိသေး၏။

‘‘ကျွန်မတို့ သာမန်အိမ်တစ် လုံးမှာပဲ သာမန်မိသားစုလိုနေကြ ပါတယ်။ ကျွန်မက သူတို့အမေလို ပါပဲ။ သူ့သူငယ်ချင်းတွေကို ကျွန်မက အိမ်ကိုခေါ်လာ ခိုင်းတယ်။ ကျွန်မတို့က သူတို့ကို သာမန်ဘဝမျိုးမှာ နေစေချင်တယ်။ ကျွန်မကကလေးတွေအတွက် မုန့်လုပ်ပေးတယ်။ သူတို့ ကိတ်မုန့်တွေစားပြီး လပ်ဂိုအရုပ်တွေနဲ့ ကစားကြတယ်’’

ကို၏ခင်ပွန်း ရီက သံတမန် လက်မှတ်ကိုင်ပြီး မြောက်ကိုရီး ယားနှင့် ဆွစ်ဇာလန်ကို အကူးအသန်းလုပ်ခဲ့သည်။ တစ်ခါ တလေ သူ၏သမီးနှင့် ကင်ဂျုံအန်၏ ညီမအငယ်ဆုံးကိုလည်း အသွားအပြန် ခေါ်လာပေးရသည်။ သူတို့သည် အိမ်မှာ ကိုရီးယားလိုပြော၊ ကိုရီးယားလိုစားသော်လည်းဥရောပ မှာ ပျော်ကြ၏။သူတို့သည် ပါရီမြို့က ဒစ်စနေးဝေါလ် အပန်းဖြေ ကစားကွင်းကိုလည်း သွားလည် ကြသည်။ ကို၏ဓာတ်ပုံအယ်လ် လမ်တွင် ဆွစ်ဇာလန်နိုင်ငံ အဲ့လ် ပတ်စ် တောင်တန်းတွေပေါ် စကိတ်စီးနေကြသည့်ပုံ။ ပြင်သစ် မှာ လည်နေကြသည့်ပုံ။ အီတလီ မှာ ညစာစားနေသည့်ပုံများဖြင့် ပြည့်နေ၏။

ကင်ဂျုံအန်သည် ဂိမ်းများ နှင့် စက်ပစ္စည်းများကို နှစ်သက် သည်။ သင်္ဘောများ ဘာကြောင့် ရေပေါ်ပေါ်နိုင်တာ၊ လေယာဉ်ပျံ များမည်သို့ ပျံနိုင်သလဲဆိုတာကို လေ့လာစူးစမ်းတတ်သည်။ သူ သည် တစ်ချိန်တွင် အာဏာရှင် တစ်ယောက် ဖြစ်လာမှာကို ငယ် ငယ်ကတည်းက ဇာတိပြခဲ့သည် ဟု ကိုကပြော၏။

‘‘သူက ဒုက္ခပေးတဲ့ကလေး တော့ မဟုတ်ပါဘူး။ ဒါပေမဲ့ စိတ် တိုတယ်။ သည်းမခံတတ်ဘူး။ သူ့ အမေက သူ့ကို ကစားတာသိပ် များတယ်၊ စာကောင်းကောင်း မလုပ်ဘူးလို့ပြောရင် ပြန်တော့ မပြောဘူး။ တခြားနည်းနဲ့ ဆန္ဒပြ တယ်။ အစာမစားဘဲနေတာမျိုး ပေါ့’’

ကင်ဂျုံအန်က ကျောင်းပိတ် လျှင် မြောက်ကိုရီးယား ပြန်ရ တာကို ကြိုက်သည်။ သူတို့၏ နွေ ရာသီ အပန်းဖြေအိမ်ရှိသည့် ဝန်ဆန်မှာ အပန်းဖြေရတာကို ကြိုက်သည်။ ရုပ်ရှင်ရုံများနှင့် အခန်းတွေအများကြီးပါသည့် ပြုံ ယမ်းက အိမ်တော်မှာ နေရတာ ကိုလည်း သဘောကျသည်။ သူသည် ဘတ်စကက်ဘော ကစား ရတာကိုလည်း သဘောကျပြီး ဘတ်စကက်ဘောလုံးနှင့်အတူ အိပ်လေ့ရှိသည်ဟု ကိုကပြောပြ ၏။

၂၀၁၀ အောက်တိုဘာအထိ ကင်ဂျုံအန်သည် သူ့အဖေ ကင်ဂျုံအီလ်၏နေရာကို ဆက်ခံရမည့်သူ ဆိုတာ ကမ္ဘာကြီးက မသိခဲ့ကြ။ သို့သော် ၁၉၉၂ လောက်ကတည်း က ကင် တစ်နေ့ မြောက်ကိုရီးယားကို အုပ်ချုပ်ရမည့်သူဆိုတာကို သိနေခဲ့သည်။ သူ၏ (၈)နှစ်ပြည့်မွေးနေ့ပါတီတွင် မြောက်ကိုရီး ယားမှ ထိပ်တန်း စစ်ဗိုလ်ချုပ်ကြီး များ တက်ရောက်ခဲ့ကြသည်။ ထို့ပြင် ကင့်ကို ကြယ်ပွင့်တွေ တပ် ထားသော ဗိုလ်ချုပ်ကြီး ယူနီဖောင်းဝတ်စုံပေးခဲ့ပြီး ဦးညွှတ် ကာ ဆက်ဆံခဲ့ကြသည်ဟု ကိုက ပြောသည်။

‘‘သူ့ဘေးကလူတွေက သူ့ကို အဲဒီလိုဆက်ဆံနေကြတော့ သူ့မှာ သာမန်လူလို ကြီးပြင်းလာဖို့ ဘယ်ဖြစ်နိုင်တော့မလဲ’’ဟု ကချေ သည်တစ်ဦးဖြစ်သည့် သူ၏အစ်မ ကို မြောက်ကိုရီးယားခေါင်း ဆောင် ကင်ဂျုံအီလ်က တတိယမြောက်ဇနီးအဖြစ် လက်ထပ်သည့်အချိန်ကစပြီး ကိုသည် သူ၏ အစ်မကို ကူညီခဲ့ရသည်။ သူ၏ ခင်ပွန်းရီကိုလည်း ကင်ဂျုံအီက ပင် ရွေးချယ်ပြီး လက်ထပ်ပေးခဲ့ ခြင်းဖြစ်၏။ ကင်ဂျုံအီလ်၏ ခယ်မ ဇနီးမောင်နှံအဖြစ် သူတို့ ကောင်း မွန်စွာနေခဲ့ရသော်လည်း ၁၉၉၈တွင် သူ့အစ်မ ကိုယွန်ဟွေ ကင် ဆာရောဂါဖြစ်ခဲ့ချိန်ကစပြီး သူတို့၏ အနာဂတ်လည်း ပြောင်း လဲခဲ့ရသည်။

သူတို့သည် ဆွစ်ဇာလန်နိုင်ငံ ရှိ အမေရိကန်သံရုံးမှာ နိုင်ငံရေး ခိုလှုံခဲ့သည်။ ထိုမှ အမေရိကန် နိုင်ငံသို့ စီအိုင်အေအဖွဲ့ အကူအညီဖြင့် ရောက်လာကြသည်။ သူတို့အကြောင်းကို ရေးသား သော တောင်ကိုရီးယားသတင်း စာများက ကင်ဂျုံအန်၏ မိဘနှစ် ပါး သေဆုံးသည့်အခါ မြောက်ကို ရီးယားမှာ သူတို့အခြေအနေ မကောင်းနိုင်သဖြင့် ရီနှင့်ကိုတို့ သည် ယခုကဲ့သို့ နိုင်ငံရေးခိုလှုံရ ခြင်းဖြစ်သည်ဟုဆိုသည်။

အဘယ်ကြောင့်ဆိုသော် ကင်ဂျုံအန်သည် အာဏာရလာ သောအခါ သူ့အဖေဘက်က အဒေါ်ဖြစ်သူ၏ ခင်ပွန်းဖြစ်သော ဂျန်ဆွန်တတ်ခ်ကို သေဒဏ်ပေးခဲ့ သူဖြစ်၏။

အမေရိကသို့ ရောက်သော အခါ ခင်ပွန်းဖြစ်သူရီက အိမ်ရာ တစ်ခုမှာ အဆောက်အအုံပြုပြင် သူအဖြစ် ဝင်ရောက်လုပ်ကိုင် ခဲ့သည်။ အင်္ဂလိပ်စကား မပြောတတ်သော ကိုက အဝတ်အ ခြောက်လျှော်လုပ်ငန်းကို ဖွင့်လှစ်ခဲ့သည်။ ထိုလုပ်ငန်းက စကားများများပြောတတ်စရာမလိုပေ။ ယခုထိလည်း ကိုသည် အင်္ဂလိပ်စကား သိပ်မပြောတတ်သေးပါ။

သူတို့ကို အမေရိကန်စီအိုင် အေက မြောက်ကိုရီးယားက ထိပ် တန်းလျှို့ဝှက်ကိစ္စများကို လာ မေးကြသည်။ သို့သော် သူတို့ ဇနီးမောင်နှံသည် ကင်ဂျုံအန်တို့ ကို စောင့်ရှောက်ခဲ့ရသူများသာ ဖြစ်ပြီး နိုင်ငံ၏ ထိပ်တန်းလျှို့ဝှက် ချက်များဖြစ်သော နျူကလီးယား ပြဿနာလိုကိစ္စများကို မသိပါဟု ရီကပြောသည်။ သူတို့အနေဖြင့် ကင်ဂျုံအန်တို့ မိသားစုဘဝကို သာ သိပါသည်ဟုဆိုသည်။

ယခုအခါ ကိုနှင့်ရီတို့၏ သားသမီးများက မြောက်ကိုရီးယားကိုရော တောင်ကိုရီးယားကိုပါ စိတ်မဝင်စားကြပါ။ အကြီးဆုံးသားက သင်္ချာသမား၊သားအလတ် က စီးပွားရေးသမား၊ သမီးအငယ် ဆုံးက ကွန်ပျူတာပညာရှင်အဖြစ် အမေရိကမှာ အသားကျနေပါပြီ။

၁၈ နှစ်ကြာ ဇာတ်မြှုပ်နေပြီးမှကိုနှင့်ရီသည် သူတို့၏ဘဝအဖြစ်မှန်ကို ဝါရှင်တန်ပို့စ်သတင်း စာကနေ ဘာကြောင့် ဖော်ထုတ် ပြခဲ့ရပါသလဲ။

ရီက သူသည် မြောက်ကိုရီး ယားကို အလည်ပြန်ချင်သည်။ သူတို့ကို တောင်ကိုရီးယားမီဒီယာ တွေက ပြောနေကြသကဲ့သို့ သူတို့မိသားစုသည် မြောက်ကိုရီး ယား အစိုးရဆီက ငွေတွေသန်းချီ ယူပြီး ထွက်ပြေးလာတာ မဟုတ် ကြောင်း ရှင်းပြချင်သည်။

‘‘ကျွန်တော့်ဘဝမှာ အဖြစ် ချင်ဆုံးရည်မှန်းချက်ကတော့ မြောက်ကိုရီးယားကို ပြန်ချင်တာ ပါ။ ကျွန်တော် မြောက်ကိုရီးယား အကြောင်းကိုလည်းသိတယ်။ အမေရိကန်နိုင်ငံအကြောင်းကို လည်း သိတယ်။ ဒါကြောင့် တစ် ခါတလေကျရင် ဒီနှစ်နိုင်ငံကြား မှာ ကျွန်တော်က စေ့စပ်ညှိနှိုင်း ပေးမယ့်သူ ဖြစ်လာနိုင်တယ်။ ကင်ဂျုံအန်က ကျွန်တော်သိခဲ့တဲ့ ကင်ဂျုံအန်ဆိုရင်တော့ ကျွန် တော် သူ့ကို တွေ့ခွင့်၊ စကားပြော ခွင့်ရမှာပါ’’

ကင်ဂျုံအန်၏အဒေါ်အရင်း က မြောက်ကိုရီးယားကို လွမ်း သော်လည်း မပြန်ချင်ဟုဆိုသည်။ သူ၏ခင်ပွန်းရီကိုလည်း မြောက် ကိုရီးယားသို့ မပြန်စေချင်ပါ။

‘‘ဒါပေမဲ့ ဒီခေါင်းမာတဲ့ ကျွန်မယောက်ျားကို ဘယ်လို ပြောလို့ရမတုံး’’

ကို့အတွက် ကံကောင်းသည် ဟုပြောရမည်။ မြောက်ကိုရီးယား ခေါင်းဆောင် ကင်ဂျုံအန်ကလည်း သူ၏ခင်ပွန်း ရီ၏အကူအညီကို စိတ်ဝင်စားပုံမရပါ။ သူ့ကိုကြည့်ရ သည်မှာလည်း အမေရိကန်နိုင်ငံ နှင့် ဆက်ဆံရေးကောင်းလိုသည့် သဘောမျိုးရှိမည့်ပုံ မပေါ်ပါ။

(ဝါရှင်တန်ပို့စ်သတင်းစာ၏ မျက်နှာဖုံးဆောင်းပါးဖြစ်သော Women who helped raise dictator lives quietly in U.S ဆောင်းပါးကို ထားထားမြင့်အတိုချုံ့ပြီး ဘာသာပြန်ဆိုသည်။)

7day
Previous
Next Post »
Powered by Blogger.